‘Nagaland Health Project’ atema $ 48 million aputsütsü

New Delhi, January 18 (TYO): India sorkar, Nagaland sorkar aser World Bank tsüngda ‘Nagaland Health Project’ tenangzüktep nung sign sütepogo. Iba ya Nagaland nung health services tajungba kümdaktsütsü atema 48 million dollars aputsütsü tenangzüktep agiba lir.
Iba mapatong atema tenangzüktep nung, India sorkar tenüng nung Raj Kumar, Joint Secretary, Department of Economic Affairs, Ministry of Finance, Nagaland sorkar tenüng nung L. Watikala, Principal Director, Department of Health & Family Welfare aser World Bank tenüng nung Genevieve Connors, Program Leader & Acting Country Director, World Bank India nungertemi sign asü.
Mapatong asoshi International Development Association (IDA) ajanga sen aputsütsübaji December 19, 2016 nü agizüka liasü. Senji küm 25 maturity den 5-year grace period nung aputsütsü.
World Bank ajanga ashiba agi mapatong nung sen 60 million dollars shi endoktsü aser iba nung IDA-i 48 million dollars aser sen apur- India-i tanüngba 12 million dollars enoksemtsü.
Iba mapatong ajanga village health committee tem tali tashi itdaktsütsü aser tang aliba health systems aser public health facilities tajungba kümdaktsütsü alizüng lir.
Mapatong kübok facility 177 nung health services tajungba kümdaktsütsü aser iba nung water & sanitation aser off-grid electricity backup dena lir.
Iba mapatong ajanga nisung 600,000 shi ajangzüktsü aser National Health Mission kübok inyakyim aser maparen tajungba nung inyakettsü.
Nagaland Health Project indang tembangba anogoji March 31, 2023 alitsü.