Nagaland House, New Delhi nung WED among

Dimapur, June 5, 2025 (TYO): Nagaland House (NH), New Delhi nung ketdangsür aser staff temi June 5, 2025 nü World Environment Day mungogo.

29-Dr. APJ Abdul Kalam Road, New Delhi nung aliba Nagaland House nung parnoki süngjang atangba süngdongtem aser narotem atem.

Joint Resident Commissioner, NH New Delhi Sharon Longchari-i taküm WED omen ‘Beat Plastic Pollution’ indang jembi.

Plastic ajanga asen lipoküm asoshi teraksa jenti bentsür arur. Nagaland House nung ketdangsürtem aser staff-i plastic pollution free kümdaktsütsüsa inyaktsü ayongzüker ta lai ashi.

Asenoki plastic pollution free environment kümdaktsütsüji khuret tuluka ama bilemtsü akok saka Montreal Protocol takok asenoki bilemtetdi. Iba ya ozone layer kümzüka ayutsü atema lir aser ajaki yaritepa nükjidong atongtsü meranger. Plastic pollution anema raraba nung kija shiai tebilemtsü khuret abentsüla ta Sharon Longchari-isa ashi.

Iba sentong nung Health & Family Welfare and Senior Nodal Officer, NH, New Delhi Joint Director Dr. Hentok Phom-ia plastic ajanga lipoküm menentsüka aser meimchir taküm asoshi lendong bentsür aruba indang ashi.

Paisa Nagaland House, New Delhi nung officers aser staff dang plastic pollution free area kümdaktsütsü ayongzük.