Nagaland-i arur nem sorkari totuyuba agütsür

Dimapur, Metsüremi/March 18 (TYO): Nagaland nung COVID-19 tashidak agi kongshitsüsa tensa ka nung aliba mapang nüburtem kümzüka alitsü aser nisung aser lokti ajungtsü mechi kaketshirtem dena nisung shibasa March 01, 2020 nungi tenzüka Nagaland-i aita lir aser state-i aittsü lir, item nisung ajaki Covid-19 helpline no: 7005435243, 9856071745, 7005539653 aser Toll Free no: 1070 mesüra Health & Family Welfare Department indang Email: nlssu.idsp@nic.in nung tongtepratepa teyari agia pa mesüra la temang tendangtsü asoshi Government of Nagaland ajanga totuyuba agütsüogo.
Lokti tentettem, jila nung ward ketdangsertem aser yimtsüng nung putu menden dang item nisungtem mita atar totuyuba agütsüba sülen anidaktsü ajungshitsü aser district administration aser Health Department den osang agitepa alitsü sorkar sangdong ka ajanga metetdaktsü.