Nagaland-i Indore-Patna train lendong atema sen lakh 10 teyari agütsür

Kohima, November 22 (TYO) : November 20, 2016 nü Indore-Patna Train lendong nung nisung 140 asüba atema tanü Nagaland Legislative Assembly (NLA) nung mangyimogo.
State Assembly nung minute 26 winter session alidang Nagaland Chief Minister, T.R Zeliang-i iba lendong atalokba atema tejashi aser mangyimba osang metetdaktsü.
Gari lendong tamajungtibatem rongnung Pukhrayan train lendong ya ka liasü aser iba lendong nung nisung 140 shi taküm sama aser 100 tema yiru, ta pai ashi.
Nagaland nung aliba nübor ajak tenüng nung iba lendong nung yariteptsü atema Prime Minister’s Relief Fund nem sen lakh 10 agütsür, ta Chief Minister-isa metetdaktsü.