Nagaland-i Taekwondo medal 2 agizüker

Dimapur, September 07 (TYO): Nagaland nungi shilem agir Taekwondo asayar anati tang Hyderabad kübok Telangana nung tasayadak 33 buba National Sub-Junior Taekwondo Championships medal 2 tanü Hombar nü agizükogo.
Neikhozo Napranotsu-i temang touzük seret 27 taret ser tekübok shilem nung gold aser Tenloi Phom-i temang tuozük seret 21 taret ser tekübok shilem nung silver agizükba osang jangjaogo.
Tam Manager, Theja Keretsu aser Team Coach, Visbeiu Peseyie nati anir külen Nagaland Taekwondo Association (NTA) nungi Taekwondo asayar 8 tashi tan Bodbar nü tashi asayatsü ayongba asayamong nung shilem tagidak lir.