Nagaland-i Under-19 Inter State Cricket Series kokogo

Under-19 Inter State Cricket Series final nung shilem agirtemi NCA General Secretary, Abu Metha aser asaya ketdangsertem den külemi agiba noksa ka yangi angur. (Dimapur, November 17)

Dimapur, November 17 (TYO): Nagaland nung tentetba NCA teloki final asaya koka Dimapur kübok Nagaland Cricket Stadium nung ayonga asayaba Under-19 Inter State Cricket Series takok marok tanü Mongolbar nü agizükogo.
NCA teloki runs 66 agi Meghalaya nung tentetba SCA telok madak final nung takok ngua tanü takok marokji agizük.
NCA aser SCA telok napronglai Arunachal Pradesh nung tentetba ACA telok madak takok anguba sülen tanü final nung shilem agitsü jenjang ngua liasü.
Nagaland captain, Sedezahelie Rupreo-i toss koka par teloki mezüng batting asütsü lemtet aser par teloki overs 37 nung ajak agi runs 142 yanglu.
Sedezahelie, Wati Juber aser Rakesh nungeri runs 41, 32, 13 aser 13 yangluba den külemi, Roberts, Swather aser Amit nungeria wicket 4, 2 aser 2 agia kanga junga asayaba yong par Nagaland teloki tanü takok angu.
Meghalaya asayar, Searchers, Rajesh aser Suraj nungeri runs 24, 20 aser 8 aser Ani Expo, Wati aser Maha Demo nungeri wicket 4, 2 aser 2 agia tanü kanga meranga asaya saka par teloki overs 26 nung wicket ajak laoa runs 76 dang yangluteta tanü tamakok ajuru.