Nagaland indang medical khu pezübuba tongogo

Dimapur, April 11 (TYO): Indian Air Force (IAF) indang khu abenba tayimtsü tulutibaji C17 Globemaster ajanga tanü Nagaland state sorkar indang medical khu pezübuba bentsür aruogo.
Iba tayimtsü ya Boeing-i yangluba lir aser khen nung khu tonne 70 tashi benteter. Tanü iba tayimtsü nung medical osettem bener Dimapur Airport nung arua anen.
Tanü Dimapur Airport nung NSDMA Advisor, Kazheto Kinimi-i sorkar indang medical khu agizük aser pai IAF telok dang pelaba metetdaktsü.
Centre sorkari Nagaland sorkar yariba aser ano Naga nungertemi külemi yaritepba ajanga Department-i COVID-19 anema mapa takok ngua inyaka arudar, ta Kinimi-i ashi.
“Maneni, Ministry of Defence-i NSDMA nem tayimtsü teyari agütsütsü imlar. NSDMA ya Nagaland chief minister Neiphiu Rio lenisüba kübok lir aser tayimtsü ajanga meta talang pilar aliba tesemtemi teyari tonga otettsü,” ta paisa metetdaktsü.