Nagaland kübok district aser subdivision balala nung Independence Day mungogo

Mkg, Luroi/August 15, 2019: Brihostibarnü Imkongmeren Sports Complex, Mokokchung nung 73buba Independence Day amungdang Housing & Mechanical Minister, Tongpang Ozukum-i parade contingents reprangba noksa nung angur.

Dimapur, Luroi/August 15 (TYO): Linük ajunga den jangyu medema Nagaland kübok district aser subdivision balala nung 71buba Independence Day takok ngua mungogo.

Mon : Mon nung tanü sentong nung Minister of Transport, Civil Aviation, Railways & Land Resources, P.Paiwang Konyak-i local ground, Mon nung national wako atsükettsü. Parade sentong nung 6th NAP, DEF Mon, Village Guard, Ex- Service Men, GHSS NCC Boys, GHSS NCC Girls, Kongjong HSS NCC, Students Police Cadets GHSS, DBS Bharat Scouts, DBS Bharat Guides, Wangkhao Government College, GHSS, Mon Town ‘C’, St. John HSS Boys, St. John HSS Girls, Don Bosco Higher Secondary School, aser 6th NAP Pipe Band-i shilem agiogo.
Sentong nungsa Leangha yimtsüng aser Tobu Area Women Dancing Group-i sobaliba tsüngsang ajanga shilem agia liasü. Maneni tongti tejaokeri department balala indang stall tem semdanga ao. Paisa ATMA Mon kübok Farmers Awards agütsü aser “Mon Town Bus Service” tenzükja liasü. Nikongtsütsü sentong nung Thavaseelan K, IAS Deputy Commissioner Mon aser Imnalensa, IPS Superintendent of Police tongti tesemdanger liasü. Iba anogo nüngtem nung penalty shoot-out ka asayaogo, kong Mon kübok ward ajak, Officers Club Mon, Deputy Commissioner Staff aser Superintendent of Police staff temi shilem agia liasü.

Kiphire: Kiphire District nunga tanü 73buba Indian Independence Day kanga takok ngua mungogo. Iba sentong nung Deputy Speaker NLA, Sharingain Longkumer tongti tesemdanger asü aser pai Kiphire District public ground nung national wako atsüketja liasü. Deputy Speaker-i DEF Kiphire, 7th AR, Bharat Scouts & Guide, NCC ZPC, GHSS, Cambridge Government High School, Ex-Servicemen Kiphire, SPC, Kiphire Village Guard, BHM DEF aser Kiphire Village Guard Band nungi salute agizüka liasü. Paisa exhibition stall tem lapokja liasü. Sentong nung Marilyn-i ken ka aten aser Singrep Village Kiphire town Union aser Sumo Community women group Kiphire town-i sobaliba tsüngsang ia liasü. Nikongtsütsü District Officers XI aser USSC tsüngda aser United Vikings Club o Van Quish FC na football exhibition match asayaa liasü.

Longleng: Tanü Longleng nunga Independence Day kanga takok ngua mungogo. Minister for Health & Family Welfare, S. Pangnyu Phom tongti tesemdanger ama iba sentong nung arua aden. Tongti tesemdangeri wako salatsü aser contingents balala 14 nungi National Salute agizüka liasü.
Sentong nung St. Joseph Secondary School Choir aser Leinyak Youth-i ken aten aser Pongola Longleng o Hukphangla Longleng nati sobaliba tsüngsang tsüngsanga liasü. Maneni Veteran Vrs United Women aser Phenei Soti Vrs Police Women tsüngda Volleyball asayaa liasü. Tongti tesemdangerisa exhibition stall tem lapokja liasü.

Peren: Deputy Commissioner Office Complex, New HQ Peren nung tanü India Independence Day mungogo kong Minister for Planning & Coordination Land Revenue & Parliamentary Affairs, Neiba Kronu tongti tesemdanger liasü.
Sentong nung o jembidang tongti tesemdangeri Peren district nung aliba nüburtem den ID salem osang lemsatep aser paisa linük wako atsükettsüba den contingents 6 nungi Rashtriya Salute agizüka liasü. Maneni tongti tesemdangeri District award balala agüja liasü. Sentong nung JNV Jalukie national integration tsüngsang ka, Kejzanglwa aser New Peren yimtsüng nungi sobaliba tsüngsang ajanga lokti ajungmeso.
Kasa mapang nung Department of Social Welfare Peren, Sakhi-One Stop Centre (Women Help Line) aser Peren District Legal Authority puri stall lapoka liasü.

Tuensang: Linük ajunga den külemi Tuensang nunga Parade Ground nung Independence Day mungogo. Iba sentong nung tongti tesemdangerji Minister Higher & Technical Education and Tribal Affairs, Temjen Imna Along liasü. Anepdang 6 ako nung office ajunga, jurilaki aser shishilembadak wako atsüket sentong tenzük. Parade sentong nung contingents 23-i shilem agia liasü.
District Commendation Award aser ATMA Farmers awards tem Minister-i agüja liasü. Tanga sentong tem rongnung Yimchunger Khemophu Club, Changan Dancing Club, Khiamniungan Cultural Club, Sangli Cultural Club, Heri Cultural Club aser Bi Jih-Phan club nungeri shilem agiba densema liasü.
Iba anogo amungba nüngtem nung shirangertem nem chiyongtsü agütsü aser district Jail o orphanage tem semdanga liasü. Maneni Tuensang kübok ward ajunga arr atsütepba sentong ka agi aser SP XI o Commandant XI na tsüngda football asayaa sentong tembang.
Sentong tembangba sülen tongti tesemdangeri GBs Customary Court semdang aser sobaliba dak sendakba nung mapa tatsüka sensaksema liasü.

Wokha: Wokha nung tanü local ground nung Independence Day mungogo. Iba sentong nung Minister for Rural Development, Government of Nagaland, Metsubo Jamir tongti tesemdanger liasü.
Sentepa aliba nüburtem den jembiba mapang tongti tesemdangeri ashiba agi, Rural Development Department-i MGNREGS ajanga 2018-19 tsüngda nisung lakh 4.17 nem mapa agütsüogo.
Paisa, Rural Development Blocks ajak nung Direct Benefit Transfer (DBT) inyakyim tenzükogo.
Maneni sentong nung Akuk Women cultural troupes, Wokha town Eloe Eramo Eloe Okho-i sobaliba ken aten, Beti Bachao Beti Padhao kübok Adolescent Girls club aser Phiro cultural troupes-i sobalaiba tsüngsang ai, Gilgal High School-i choreography ka ai aser Sojano Tsopoe-i ken ka aten.
Tongti tesemdangerisa District level aser commendation award agüja liasü.

Phek: Tanü Phek nunga 73buba Independence Day kanga takok ngua mungogo. Sentong nung Minister, Agriculture & Cooperation, G. Kaito Aye-i tetushi tesemdanger liasü. Pai linük wako atsükettsü aser parade contingent 17 nungi rashtriya salute agizüka liasü.
Tongti tesemdangeri Independence Day o jembiba den District award balala agüja liasü. Sentong nung Hebron 1 colony Phek Town nung tetsürtemi sobaliba ken ka aten aser Elite Music Ensemble, Phek-ia ken ka tena liasü. Self defense Taekwondo saya ka Residential Girls Hostel, Phek puri sayu aser Kutsapo Cultural Troupe sobaliba tsüngsang ka ai. Maneni Bishop Abraham Memorial School, Phek puri ken ka tena liasü.
Kasa mapang nung Chief Guest-i department aser NGO balalai lapokba exhibition stalls 20 lapokja liasü.
Maneni Noklak, Jalukie, Seyochung, Bhandari, Medziphema, Pughoboto, Thonoknyu, Satakha, Aboi, Atoizu, Jakhama, Shamator, Chozuba, Mangkolemba, Meluri, Pfutsero, Changtongya, Tening, Tseminyu, Sanis, Ralan & Wozhuro, Monyakshu, Pungro, Chen, Chiephobozou, Niuland, Tobu, Tamlu, Angjangyang, Aghunato, aser Naginimora nunga 73buba Independence Day kanga mera keta mungogo.