Nagaland kübok district balala nung 55 buba Teachers’ Day amung

Town Hall Mokokchung nung Advisor to CM Nagaland, Merentoshi R. Jamir aser Director Higher Education, I. Alempokba na den ketdangsertemi Mkg district Teachers Day Awardees den külemi agiba noksa angur.

Dimapur, September 5 (TYO) : Hombarnü Dimapur nunga Covenant hall, Christian Higher Secondary school nung District Level Common Teacher’s Day sentong ka ayongzüka amung.
Iba sentong nung Oriental Theological Seminary Professor, Alongla P Aier-i tesayurtem ayongzüka o jembidang, “tesayur ka dak bendanga agütsüba shisatsü alitsüla aser ibaji ajanga mapa jangratema inyakba dang masü saka kaketshirtem melenshiba angudang tepela balala ka angutsü” ta ashi.
Tesayur tajung kaji tesayuba tajung agütsüba dang masü saka angazükdaktsüba maparen nung teyari agüja nungitba aser ajungmesoba dena lir. Tesayur kati Class takdang nung dang masü saka ibaji adenera kaketshirtem den sensaksem alitsüla, ta laisa ashi.
“Asen state nung shisaliok jenjang jungra masü aser quality education mali. Asen state nung shisaliok jenjang tajungba kümdaktsütsü atema asenoki tesayurtemi mapa talila inyaktsüla,” ta Alongla P Aier-isa tesayurtem ayongzük.
“Asenok ajak Tsüngrem matsüngdang kuli agütsütsü, anungji asenoki kaketshirtem taküm yanglutsütsü asoshi asen dak sempet akaba ajak agi merangtsüla. Asenoki putu  ka yangertsür aser asen chirnurtem nem tajungtiba agütsütsüla,” ta laisa shisem.
Iba sentong nung District Education Officer (DEO) Dimapur R . Amongla aser Dimapur nungi tesayur aser kaketshir aika aden. Sentong nungsa tesayur 30 nem sempet agütsü.
MOKOKCHUNG: Mokokchung nunga Ao Kaketshir Mungdang (AKM)-i Town Hall, Mokokchung nung 55 buba Teachers Day ayongzüka amung.
Iba sentong nung tongti tesemdangerji Advisor to the Chief Minister, Merentoshi R. Jamir liasü aser pai ashiba agi, akhümket mapa tajungtibaji tesayur indang mapa lir, kechiyong tesayur kati bendanga agüja inyakba ajanga nisung takümtem yanglutsür.
Asen loktiliba nung tangatetba melenshiba ajanga dang temelenshi bener arutsü aser iba mapa asoshi tesayurtemi lanurtem anitetba atema tongtipangba mapa inyaktsüla, ta Merentoshi-isa ashi.
Sentong nung tetushi süa jaokerji Higher Education Director, I. Alempokba liasü aser paia o jembidang, shisaluyimba nung temelenshi bener arurtemji tesayurtem lir, ta ashi.
Mokokchung District Teachers Awards 2016 angurtem : I. Martemsu G/T GHS Yajang, Toshienla L/T GHS Alongkima, Meyalepden G/T  Yimyu Mokokchung, Moatemsu G/T GPS Manglalepden, Narotemla Ao G/T  Don Bosco School Tuli, T.Ayula  G/T GHS Longchem, L.Amenba Alinger Sr.G/T GHS Changki, Meyijungla T. G/T GHSS N.I Jamir, Limawapang P/T GMS Salukong, Chakpa, Temjenmerenla G/T GHS Dilong, S.Imlitemjen Aier Teacher In charge GPS Khanimu, Limawati P/T GHS Unger, Nukshienla P/T Teacher In charge GMS Lonchara ,T.Lima Jamir P/T GPS Dongdong, Asangma, Temsurenba G/T GHS Longsa.
Sub-Divisional Teacher Award angurtem : Drenshah P/T GMS Marepkong Mokokchung, Temjennungba P/T GMS Kupza, Temsurenla P/T GPS Arjuma Mokokchung, T.Nungsangmeren GT Yajen Aier GHS Mopungchuket, T.N Alem P/T GHS Chuchuyimpang, Arenlila Aier P/T GHS Pongentula Mokokchung, L.Anungla Aier P/T GHS Yisemyong, Watiangshi P/T GHS Longkhum, Temjenkokla H/T Town Higher secondary School, Mokokchung, Bendangmeren H/T Imsutemjen Memorial Higher secondary School, Mokokchung.

WOKHA: Wokha Town Hall nung Teachers Day sentong ayongzüka amung aser iba sentong nung tongti tesemdangerji Project Director, DRDA Wokha, Thungdeno Mozhui liasü.
“Tesayurtemi asenok ajungemesor aser tashi itta kümdaktsür. Kaketshir ka senso tajung ka akümtsü aser parnok alizüng atongtsü atema yariba shisalen sayurji tesayur ka lir,” ta Thungdeno-i ashi.
Sentong nung Janbemo Humtsoe-i tayongzükertem tenüng nung o jembi aser Principal, GHSS Wokha, Emilo Patton-i Teachers Day indang temetettsü ashi.
Iba sentong nung Wokha district kübok school balala nungi tesayur 10 shimteta sempet agütsü.
Sempet angurtem : Pithunglo, Lamp School, Sungro, L.Abeni, GPS Chukitong, R.Shumbeno Lotha, Mount Sinai School, Abel, GHS Aitepyong, Mothsuthung Yanthan, GHS Longsa, Ashistha Narayan, GHS Yimpang, Zubemo Ovung, 7th NAP Bn, Unit School Bhandari, Loreni Ngullie, GMS Wokha Town ‘A’, Chumdemo GHS Sungro and R.N.James, GMS Soku.
TUENSANG: Tuensang nunga GHSS Auditorium, Tuensang nung Teachers Day sentong ayongzüka amung aser iba mapang district kübok tesem balala nungi tesayurtem aden.
Sentong nung tetushi süa jaokerji Addl. SP Tuensang, Longpoksang Lemtur liasü aser pai district awardees nem tenüngsang agütsü.
Sentong nung I. Sashi Ao Dy. DEO Tuensang-i tesentepertem pela agizük aser Jongshimongla, SDEO Tuensang-i anküp tepela o jembi.
ZUNHEBOTO: Town Hall, Zunheboto nunga 55 buba Teachers’ Day ayongzüka amung aser iba sentong nung tongti tesemdangerji SDO(C) Sadar, Zunheboto, Holohon Yepthomi liasü.
Tesayurtemji loktiliba nung tongtiret ama lir aser nenoki kanga dang bendanga agüja mapa inyakba asoshi tenüngsang agütsür, ta Holohon Yepthomi-i ashi.
Tesayur ka indang mapaji sayuba dang masü saka kaketshir tim lenmang nung anitettsüba lir. Tesayurtemji kaketshirtem atema nükrangtong ama asütsüla, ta paisa ayongzük.
Sentong nung mendenji Zhekugha Assumi liasü, Principal, GHSS, Sunil Thakur-i tesentepertem pela agizük aser President, SKK, Ninoto Awomi-i tajungshi o jembi.
MON: Council Hall, Mon Town nunga Teachers’ Day 2016 ayongzüka amung aser iba sentong nung tongti tesemdangerji Mon Deputy Commissioner, W. Honje Konyak liasü.
District Level Committee-i 2016 küm atema tesayur 15 nem District Level Award agütsütsü shima tenüngsang agütsü.
District Level Award angurtem: Job MK, Little Flower School Mon, Prakash Chettry, St. John’s School Mon, L. Ngapnon, Eastern School Mon, Robikant Dey, Model school Mon, Shahkai Konyak, GPS T/Chingnyu ‘A’, Dipankar Panigrahi, GMS Kongan, K. Pongshong Konyak, GPS Goching, J. Chingtick Konyak, GPS Wakching ‘D’, N. Toang Konyak, GPS Wakching ‘B’, Sagar Chandra Ghosh, GHS Loakkun, Chahmong Konyak, GHS Mon town ‘C’, Subhash Sah, GHSS Mon, H.Hamloi Konyak, GHSS Mon, M.A Yamlau Konyak GHS Bumei and W.Bandai Konyak, GSP Apao.