Nagaland kübok tesem balala nung 69 buba Independence Day amung

August 15, 2015 nü Mokokchung nung tongti tesemdanger Social Security & Welfare, Parliamentary Affairs, Kiyanilie Peseyie (abelen) aser Dimapur nung National Highway, Mechanical Engineering & Election Minister, Nuklutoshi (achiji) nati salute agiba angur.

Dimapur, August 15 (TYO) : Linük den külemi Nagaland kübok district aser sub-division balala nung 69 buba Independence Day 2015 mungogo.
Nagaland nung tensa mejungi akümtsü akok ta nübortemi kanga arentaka bilem aser tsübua liasü saka tanü tesem ajak nung tiptema Independence Day sentongtem ayongzüka agiogo.
Dimapur: DDSC stadium nung ayongzüka agiba sentong nung tongti tesemdangerji National Highway, Mechanical Engineering & Election Minister, Nuklutoshi liasü.
Tongti tesemdanger Nuklutoshi-i o jembidang, August 3, 2015 nü India sorkar aser NSCN-IM tsüngda Peace Accord tenangzükba agiba pelashishia agizüker ta metetdaktsü.
Tesüiba küm 17 tashi Naga yimten tebilemtsü atema olemtepyonga aruba aser nisung ajaki shilem agiba ajanga iba tenangzüktep agitetogo. Asenok külemi inyakba ajanga süngjang tajung atangba angudang kanga pelar, ta Nuklutoshi-i ashi aser paisa India sorkar o NSCN-IM nem tenüngsang agütsü.
Paisa, Nagaland nung alirtem aser arogo lennirtem dena Naga nunger telok balalai asen lima nung yimjung bener arutsü atema mapa inyakba atema tenüngsang agütsü.
Naga yimten tebilemtsü atema May 25, 2015 nü Nagaland Legislators’ Forum tentet aser iba nung Naga nunger kin 12 prongla nungi aser yimten telok ajak nungi züngsem 19 shimoka lir. Iba telok July 15-17, 2015 tashi Delhi nung oa mungzüker Prime Minister, Union Home minister, Union minister of State for Home aser Naga yimten ken o nung atema interlocutor nungertem den ajurutepa senden agiogo, ta Nuklutoshi-isa shisem.
Paisa, July 27, 2015 nü Nagaland Legislative Assembly budget session nung Naga yimten tebilemtsü atema onük 5 telemtetba agiba aser iba sülen July 31, 2015 nü Nagaland Legislators’ Forum-i Naga nunger telok balala den külem senden agiba nungertem indang osang metetdaktsü.
Item ajak nung ajemdaker nübortemi Naga Peace Accord pelashishia agizüktsüla. Asenoki iba nung kechi onüktem lir ano memetet saka tang mapang ya asenoki mashilen bilemtsüba mapang masü. Telok anapronglai iba tenangzüktep nung teinyaktsü onüktem benokba sülen yimjak nung metetdaktsütsü aser tebilembatem asüngdangtsü. Anungji asenoki Naga Peace Accord ajanga Nagaland nung teti atema yimjung aser terenlok bener arutsü ta imladi, ta tongti tesemdangerisa ayongzük.
Tanü Nuklutoshi-isa Nagaland sorkari agriculture, rural development, school education, health and family welfare, power sector, roads and bridges, PHE, food & civil supplies , information technology & communication amala nung mapa jenti inyakba lemsatep.
National Institute for Transforming India (NITI) Aayog kübok centre sorkari terenlok atema sentong atongba ajanga Nagaland atema tajangzük bener arutsütsü. Asenoki teimla nung tarutsü atema bilemdi kechiyong asenok dangi yimjung, terenlok aser azükaru arutsü, ta paisa ashi.
Tanü sentong nung Aien aser Leah nati ken ka aten, aser Chumukedima Kuki youth cultural club, Sangtam cultural troupe, Tsongdi club, Tsithrongse village, Khiamniungan cultural club Dimapur nungertemi sobaliba dak sendakba shilemtem agi.
Tongti tesemdangeri ATMA Dimapur indang newsletter aser website ka sayatsü aser Exhibition stall-cum-sale lapoktsü.
Mokokchung: Imkongmeren Sport Complex nung ayongzüka agiba sentong nung Social Security & Welfare, Parliamentary Affairs, Minister, Kiyanilie Peseyie tongti tesemdanger ama shilem agi.
Kiyanilie Peseyie-i Linük nisan salatsüba sülen Independence Day osang metetdaktsü aser iba mapang pai Nagaland nung alirtem aser arogotem dena telok balalai yimjung bener arutsü atema inyakba atema tenüngsang agütsü.
Tongti tesemdangerisa Dimapur nung Apparel & Garment Making Centre aser Tuli nung Pulp and Paper Corporation Ltd. (NPPCL) tanaben tenzüktsü atema inyakba central sponsored project indang osang metetdaktsü.
Tanü agiba sentong nung Longsalong Cultural Club Mkg, Naga Wadir Cultural Club Ungma, Mayangnokcha Govt. Higher Secondary School, Medical Youth fellowship aser 31 Assam Rifles Mokokchung nungertemi shilem balala agi.
Maneni tesem balala nung tongti tesemdanger ama shilem agirtem: Tuensang nung Power Minister, Kipili Sangtam, Wokha nung Rural Development & REPA Minister, C.L John, Longleng nung Transport, & Civil Aviation, IT&C, Minister Paiwang Konyak, Zunheboto nung School Education & SCERT Minister, Yitachu, Kiphire nung Irrigation and Flood Control Parliamentary Secretary N. Jacob Zhimomi, Mon nung Nagaland Legislative Assembly, Speaker Chotisuh Sazo, Phek nung PWD (R&B) Minister, Vikheho Swu, Peren nung Health & Family Welfare Minister, P. Longon, Aboi nung IPR Parliamentary Secretary, Khekaho, Thonoknyu nung SDO (C) P. Shaying Shio, Pfutsero nung Forest & Wildlife minister, Dr. Neikiesalie Nicky Kire, Medziphema nung Veterinary & Animal Husbandry Parliamentary Secretary, S. Chuba Longkumer, Bhandari nung Labour & Employment, Skill Development & Border Affairs Parliamentary Secretary, Mmhonlumo Kikon, Tuli nung Industries & Commerce Parliamentary Secretary, Amenba Yaden, Mangkolemba nung Housing Parliamentary Secretary, Er. Levi Rengma, Satakha nung NSMDC Chairman, Dr Neiphrezo Keditsu, Atoizu nung DAN Chairman, NBRM, Dr Longrineken, Chiephobozou nung CAWD Parliamentary Secretary, Y. M. Yolow Konyak, Tening nung Planning & Co-ordination Evaluation Monitoring Cell Parliament Secretary, Neiba Kronu, Niuland nung Tourism Parliamentary Secretary C. Apok Jamir, Tizit nung Municipal Affairs, Economics & Statistics Parliamentary Secretary, R. Tohanba, Shamator nung Dy. Speaker NLA, Imtikumzuk, Tseminyu nung Home Guard & Civil Defense Parliamentary Secretary, E.E. Pangteang, Noklak nung New and Renewable Energy, Fire and Emergency Service Parliamentary Secretary, Toyang Changkong Chang, Tobu nung Nagaland Bamboo Development Agency Advisor, MLA Naiba Konyak, Meluri nung Land Resources Development & Excise Parliamentary Secretary, B.S. Nganglang, aser Chozuba nung Advisor, DUDA, LM&CP, N. Thongwang Konyak nungertem liasü.