Nagaland kübok tesem balala nung Yoga Day amung

Dimapur, June 21 (TYO) : Mongulbarnü Nagaland kübok tesem balala nung 2 buba International Day of Yoga ayongzüka mungogo.
Mokokchung nung Youth Resources & Sports Department-i Indoor Stadium Mokokchung Nagaland nung iba Yoga Day ayongzüka amung.
Iba sentong nung D. Halam, 44 AR Training team aser Tovili Wati, District Organizer Commissioner (Guides) na lenisüba kübok NSS, Bharat Scouts & Guides, NYKS Mokokchung unit nung züngsem 125 shi kati shilem agi.
Dimapur nunga Youth Resources & Sports department-i DDSC, Dimapur nung International Yoga Day ayongzüka amung.
Iba sentong nung Yoga indang tajangzük metetdaktsü aser Prof. Amod Sharma, Nagaland University aser Rosy Jemu nati anir yoga ai.
Indoor Badminton Stadium Tuensang nunga District Youth Resources & Sports Department Tuensang-i Yoga Day ayongzüka agi. Iba sentong nung Bharat Scout & Guides, NYK, NCC aser tejangrartem aden aser Madendangba NYK Volunteer-i yoga sayu.
Phek nunga Department of Youth Resources & Sports-i Indoor Badminton Hall nung 2 buba International Yoga Day ayongzüka agi.
Sentong nung Youth Resources Officer, Vineikholie-i Yoga indang onük jembi aser 46 Assam Rifles nungi Havildar Haribansh Singh-i anir yoga ai.
Mon Indoor Stadium nunga Dr. Esther Konyak Asst. Professor Wangkhao Government College aser M.A Shihab Ali, ADC Mon nati Yoga indang osang metetdaktsü.
Department of Youth Resources & Sports-i ‘Yoga for Harmony and Peace’ omen nung ajemdaker iba sentong ayongzük aser Dr. Esther Konyak-i o jembidang ashiba agi, Yoga ajanga asen temang pungpadaktsür aser tekolok nung anisüngzük ngudaktsür.
Ano, ADC Mon, M.A. Shibab-ia ashiba agi, Yoga ajanga tekolok aser temang tsüngda tesentaktep tajung yanglutsür aser Yoga aiba ajanga taküm nung takok ngudaktsür, ngoyangoshi samatsür aser taküm jangratema lidaktsür.
Zunheboto nunga Indoor Stadium nung International Yoga Day amung. Iba sentong ya Department of Youth Resource & Sports-i NSS, NCC aser NYK Zunheboto Unit den yaritepa ayongzük.
Sentong nung nisung 150 shi aden aser Asst. Professor, Periasamy-i okila jembi, SDO (C), Shanavas IAS-i yoga ajanga temang nung tajangzük agütsübatem metetdaktsü aser Asst. Professor, Kezhadi-i anküp tepela o jembi.