Nagaland Lok Sabha bye-election Monupii (May) 28 nü agitsü: ECI

Kohima, Rongchii/April 26 (TYO): Tanü Election Commission of India (ECI)-i Nagaland densema state asem nung Parliamentary constituency balala nung Lok Sabha nung menden tazüng aliba atema bye-election agitsü asoshi anogo sangdongogo.
ECI Principal Secretary, Summit Mukherjee-i sangdong ka ajanga, lisopur benjungmong balala, electoral rolls aser tsüngsang-mopong tensa ajak reprangshia asadangba sülen Election Commission-i Lok Sabha nung menden tazüng aliba atema bye-election Monupii (May) 28, 2018 nü agitsü lemtetogo, ta metetdaktsü.
By election agiba sülen votes ji Monupii 31, 2018 nü azüngtsü.
Official sangdong agutsüba sülen Monupii 3, 2018 nü nungi tenzüka election nung tokteptsü atema tenüng agutsütsü aser iba atema tatembangbuba anogoji Monupii 10, 2018 nü asütsü. Iba sülen Monupii 11, 2018 nü nominations reprangshitsü aser tenüng agientsü atema tatembangbuba anogoji Monupii 14, 2018 asütsü.
EC-isa, iba sangdong agutsüba mapang nungi ‘model code of conduct’ tenzükogo aser ibaji candidates ajak, yimtenren party tem aser state sorkar den Union sorkari benshitsüla, ta metetdaktsü.
Taküm Tsüklai (February) 17, 2018 nü state nungi taoba MP, Neiphiu Rio-i state assembly election nung tokteptsü atema MP menden nungi anenba ajanga Nagaland nung Lok Sabha bye-election agitsüsa akumer.
Tsüklai 27, 2018 nü Rio-i NDPP ticket nungi toktep aser 11-Northern Angami-II Assembly menden nung pa den tetokteper makai pa shima liasü.
Tang pa state nung tang agi pezübenbuba chief minister teinyakdak lir.
Lok Sabha bye-election agitsü aliba state asemji- Maharashtra, Uttar Pradesh aser Nagaland lir; Maharashtra nung Bhandara-Gondiya aser Palghar Lok Sabha constituency na atema aser Uttar Pradesh nung Kairana menden atema bye election agitsü.
Iba dak alia Bihar, Jharkhand, Uttar Pradesh, Uttarakhand, Maharashtra, Kerala, Meghalaya Punjab aser West Bengal state tem nunga assembly by elections agitsü.