Nagaland, Meghalaya aser Tripura nung NCP-i kija tokteptsü

Shillong, Aenjeti (January) 16 (Agencies): NCP-i Meghalaya, Nagaland aser Tripura nung agitsü aliba assembly election tem nung kija dang tokteptsü ta metetdaktsü.
“Onoki Meghalaya nung menden aika nungi tokteptsü, Nagaland nung tera aser Tripura nung kar nung tokteptsü” ta Nationalist Congress Party (NCP) General Secretary, Praful Patel-i ashi.
Meghalaya nung Khasi-Jaintia Hills region kübok assembly menden 24 lir aser iba nungi menden 22 nung tokteptsü. Khasi-Jaintia Hills region kübok menden 36 nungi 20 nung tokteptsü.
Meghalaya nung Metsüremi (March) 6, Nagaland nung Metsüremi 13 aser Tripura nung Metsüremi 14 anogotem assembly kümsük tembangtsü.
NCP-i state asen nung Congress den melokteptsü atema telemtetba agiaka Meghalaya nungbo par party-i regional party kar den angatetteptsü, ta Patel-i ashi.
“Onoki Maharastha nung aser Centre nung Congress den teti yaritepa arur saka tangalenbo onoki Congress den teloktep kecha mali” ta paisa shisem.
Tanga telok kari parnok tangatetbatem tashiyim agi benshidaktsütsü meranger. Parnoki kechi achiajemtsü mesüra kechi tamangba yimsü amangtsü ta tetuyuba agütsür. Parnoki sobaliba ka sülen anidaktsü tuyur aser ibaji ajanga loktiliba loksa odaktsütsü, ta NCP lennirisa shisem.
“Conrad K. Sangma-i aniba National People’s Party (NPP) ajanga BJP-i ashiba mesüra inyakba ajakji agizüker asü masü’ar kuli tejangja metetdaktsütsüla” ta Patel-isa metetdaktsü.