Nagaland Minister temi Union Minister tem ajurur

Dimapur, June 18 (TYO): Tanü Chief Minister Neiphiu Rio-i New Delhi nung Union Finance & Corporate Affairs Minister Nirmala Sitharaman den ajurutepa senden ka amen.
Maneni, Health & Family Welfare Minister S. Pangnyu Phom-ia tanü Union Minister of State (IC) for Ayurveda, Yoga and Naturopathy, Unani Siddha aser Homeopathy (AYUSH) Shripal Yesso Naik den ajurutep.
Iba mapang Pangnyu-i Union Minister dang Nagaland nung AYUSH scheme inyakba osang lemsatep aser yaritepba atema pelaba shisem.
Paisa Minister Naik dang Nagaland kübok district ajak nung AYUSH Hospital ka ka lapoktsü nüngdak ta ashi.
Nagaland nung AYUSH maparen inyakba atema Union Minister-i pelaba ashi aser mapa talila inyaktsü nangzük.
Paisa Nagaland nung AYUSH Department indang directorate balaka tentettsü ta ashi.
Iba mapang Pangnyu den Commissioner & Secretary Himato aser Director Vizolie na liasü.
Külen, Deputy CM aser BLP leader Nagaland Y. Patton aser State BJP President & Minister Temjen Imna Along natia tanü National BJP lennir aika den ajurutep.
Tanep tenati BJP National General Secretary Ramlalji den par kidang ajurutep aser idangji North East Region o Nagaland state nung BJP party tashi itshitsü tebilembatem lemsatep.
Patton aser Along nati UP Chief minister Yogi Adityanath aser tanga BJP National lennirtem den ajurutep. Tenatisa BJP HQ, New Delhi nung BJP Working President JP Nadda den ajurutepa tenüngsang agütsü.