Nagaland Missions Movement

~ Rev I.Lanu Jamir.

Iba osang ajanga Nagaland Missions Movement indang tongtipang osang ka lemsateper. Nagaland Missions Movement ya arok meyong ta angateta amangbapurtemi sarasademtsüba ajanga tanu tashi mapa takok ngua inyaka arudaki. Talisa suia aruba kümtem nung Nija, Kibong, Arogo aser Mungdangtemi sarasadem den tenla tajung agutsüba asoshi NMM Staff ajaki Tsüngrem tenung sanga ajak dang kangasa pelar ta shisemer.
2016 küma May ita 1 – 7 Mission Week amonger. Iba nüngtem nung NMM Office nungi taküma Envelope den osangtsüsangtem Arogo ajak dangi yokogo. Sarasadema amangbapurtemi tenla tajung agutsütsü mepishir.
2016 küm Mission Week asoshi Arogotemi tenla bendena agutsütsü asoshi tekuboklen Arogotem tenung agutsür. Ner Arogo asoshi koba tanatiba (convenient) asütsü, iba Arogo nung tenla bendenbaji agutsüra kanga pelatsü. Ano Arogo kwika nem tenlatem anepalua bendener yoktsü Receipt Book yoka lir nenoki anepalua bendener NMM Office-i mapang shidak nung yokdaktsüner.
Tenlatemji Item Arogotem nung agüjangma:
1. Chungtiayimsen
2. Mangkolemba
3. Mokokchung Town Baptist Church
4. Changtongya Town Baptist Church
5. Tuli Town Baptist Church
6. Nagaland Missions Movement (NMM) Office, Dimapur.
Tsüngremi Tetenlar Ajak Moajang.