Nagaland Music Industry Stakeholders Conclave agi

Kohima, Aami/June 21 (TYO): World Music Day amungnü 1 buba Nagaland Music Industry Stakeholders Conclave takok ngua agiogo.
Music Task Force (MTF), Government of Nagaland kübok Kohima nung iba sentong agia liasü.
Youth Resources and Sports Department Nagaland kübok MTF-i lanurtem asoshi sabang talila lapoktsütsü aser kentenbaren asoshi maongka agütsütsü, ta MTF project Director Dr. Hovithal Sothu-i ashi.
International Level/ World Choir Competition/ Choir Olympics ama sentongtem nung dentettsü atema teküpoktiba jenjang nungi state jenjang tashi choir tetoktepba ayonga agitsü, ta Dr. Sothu-isa ashi.
Leaders Arise Nagaland Founder Rev. Luoliehu Yimsung-ia o jembidang ‘kentenertemi kati ka akhümtsübuteptsü’ ayongzük.
“Külemi aintsü aser renloktsü atema kati ka akhümtsübuteptsüla aser aria bilemtsüteptsüla” ta paisa ashi.
Sentong nungsa Nise Meruno aser Marmenla Pongen nati tenati ajangshia aruba osangtem lemsatep aser kentenba sentong nunga shilem agi.
Telok olemtepba mapang shisalen sayurtemji- Music Academy Kohima Director Khyochano TCK, Sumi Baptist Church Kohima Music Director James Swu, Rattle & Hum Society Member Theja Meru aser Audio Garage Proprietor Atsung Jamir nungertem liasü.