Nagaland nem ‘official flag’ balaka agütsütsü akok

New Delhi, January 30 (Agencies) : India sorkar aser National Socialist Council of Nagalim (Isak-Muivah) tsüngda kobi melii tenangzüktep agiteptsü aser iba sülen Nagaland asoshi ‘official flag’ ka agütsütsü akok, ta osang angazüker.
Northeast kübok aliba Nagaland state nem wako balaka agütsütsü asoshi telemtetba agitsü dang anünga lir, ta osang ka ajanga metetdaktsü.
NSCN-IM-i takhangba 33 agütsüba nung wako balaka amshitsü indang onük dena lir. NSCN-IM-i 1997 küm nungi Centre sorkar den yimjung olemtep agiyonga arur aser parnoki sen balaka amshitsü akhangbabo India sorkari magizüker, ta osang ajangsa shisem.
Taoba mapang NSCN-IM nung tongti ketdangser VS Atem-i HS den sensaksemdang, “Kashmir-i wako balaka amshitetra, kodaser Naga nungeria mamshitettsü? China nunga Macau, Hong Kong aser Taiwan atema wako balala amshir” ta metetdakja lir.