Nagaland nung 6 buba National Voters Day amungtsü

Dimapur, January 21 (TYO) : January 25, 2016 nü Kohima nung 6 buba National Voters Day 2016 amungtsü aser iba sentong ya Durbar Hall, Raj Bhavan, Kohima nung ayongzüka agitsü.

Iba anogomung indang omenji ‘Inclusive and Qualitative participation’ asütsü aser Nagaland Angh, P.B Acharya-i tongti tesemdanger ama shilem agitsü.

Iba sentong nung mendenji CEO, Nagaland & Commissioner aser Secretary of Nagaland & Assam, Sanjay Kumar, IAS asütsü aser paisa National Voters Day tenangzükba agidaktsütsü.

Sentong nungsa Miss Nagaland 2015 & State Icon (SVEEP), Nenghoilhing Hangsing-i ken ka atentsü, Nagaland Post yimozülur Geoffrey Yaden, Naga Hoho, NBCC, The Naga Blog aser ENPO nungeri o tatsütsü jembitsü aser tatem nung DC & DEO, Kohima-i anküp tepela o jembi.

Dimapur district nunga 6 buba National Voters Day amungtsü aser iba sentong nung tongti tesemdangerji Nagaland Page yimozülur, Monalisa Changkija alitsü.

Iba sentong ya anepdang 11:00 nungi Lotha Hoho Ki nung alitsü aser DC & DEO Dimapur, Kesonyu Yhome IAS-i sentong lapoka o jembitsü.

Phek district nunga anüngdang 12:00 ako nungi DPDB conference hall, Phek nung 6 buba National Voters’ Day amungtsü ta Phek Deputy Commissioner & District Election Officer, Murohu Chotso-i sangdong ka nung metetdaktsü.

Iba sentong nung electors tasentem, Head of Offices, Principal, Phek Government College/GHSS, Phek, Phek District nungi Political parties, NGOs, BLOs, Wards Chairman/GBs ajak arua adentsü mepishia metetdaktsür ta Phek DC-isa sangdong nung shia lir.