Nagaland nung 69 buba Independence Day tiptema mungogo

Kohima, August 15 (TYO): Linük den külemi Nagaland nunga tanü 69 buba Independence Day tiptema mungogo.
State yimtiba, Kohima nung aliba Secretariat Plaza nung sentong tongtiba agidang Chief Minister, TR Zeliang tongti tesemdanger liasü aser pa den külemi inyaker – Council of Ministers aser Parliamentary Secretary tem district aser sub-divisional headquarters balala nung tongti tesemdanger ama shilem agi.
Kohima nung shilem balala agiba ajanga tesentepertem jangratemdaktsü saka item ajak dak alia Tabitha Enabling Academy aser Cherry Blossom School tem nungi tangar memenepba tanurtemi Linük Naklu ken sign language agi ia sayuba ajanga nisungtem temulung nung kanga kongshi.
Ano, 15th NAP (IR) Mahila Battalion nungertemi armed drill display sayuba ajanga tesentepertem jangratemdaktsü.