Nagaland nung ali hectare 15, 000 nung rubber tsünüdar

Kohima, March 17 (TYO): Tang state nung ali hectare 15,000 shi nung rubber tsünüdar aser süngdongji tasazük balala nung lakh 60 shi lir, ta tanü satte assembly nung metetdaktsü.
2015-16 küm state nung hectare 3,000 nung rubber plantation tasen tenzük, ta Land Resources Department indang annual administrative report 2015-16 nung shia lir aser iba osangji Land resources and excise & prohibition parliamentary secretary, B.S. Nganlang-i tanü senden nung metetdaktsü.
Department osang nungsa, senotsü jenti ajangzüktsü atema department-i state nung rubber tsünüba ajungkettsür, ta shia lir.
State nung ali hectare lakh 4.60 nung rubber tsünütsü koka lir ta department-i asadangtetogo aser iba nungjagi hectare lakh 1 nung rubber tsünütsü nükjidong lir, ta kasa osang nung shia lir.