Nagaland nung Amway product tasen ayoktsü

Kohima, April 10 (TYO): Amway India indang product tasenba ‘Attitude’ sunscreen cream taoba hopta linük tesem aika nung ayok tenzükogo aser Nagaland state nunga kobi melii Kohima aser Dimapur na nung Ammay office tem nung ayoktsü, ta Kolkata nung Amway ketdangser kati metetdaktsü.
Amway India indang Attitude Sunscreen tasenba nung SPF 30, PA +++ aser Dry Touch Formula lir.  Rs. 499/- jenjang Attitude Sunscreen cream ya ‘dermatologically test’ süogo aser non-greasy lir. Attitude ya premium skincare aser cosmetics brand ka lir koba ajanga lanurtemi nüngdakba angateter.
Iba sentong nung jembidang  Amway India, Chief Marketing Officer, Sundip Shah-i, “Anü nungi, talisa lemluwa mapang UVA aser UVB rays nungi kümzüka alitsüji nüngdak, iba ya teküp anepalutsü atema tongtibang tenüngdaktsü ka lir. Tanü-asüng lanurtemi tanüla maliba Sunscreen aginer ta onoki research ajanga bushitet. Iba nungji ajemdaker onoki UVB aser UVA rays nungi kümzüka alitsü atema non-greasy Dry Touch formula, den SPF 30 aser PA+++ adok. Attitude Sunscreen cream ya India nunger teküp bilema yanglu,” ta ashi.
Iba cream ya Amway distributors ajanga dang ayoktsü.
Attitude Sunscreen ya tenarong, tekong aser teka nunga anütsü akok. Anü nungi kümzükba cream ya kimai mayakzükdang yongi minute 15-20 bosa lia anütsüla, aser ghonda 3-4 shia anütsü junger.