Nagaland nung angati Mega Medical Camps tenzükogo

Dimapur, November 26 (TYO): November 26, 2016 nü Naga Hospital Authority Kohima (NHAK) nung anogo 5 nü Mega Medical Camps Honibar nungi tenzükogo aser iba camp ya November 29 nü tembangtsü.
Iba ‘free medical’ camp ya Nagaland Angh, P. B. Acharya-i acha-ayanga Rotary Club of Bombay North Dist. 3141 aser Rotary Club of Nariman Point Dist. 3141 nati ayongzüker.
November 26 nungi 30, 2016 tashi district 7- Dimapur, Kohima, Mokokchung, Mon, Peren, Phek aser Wokha nung angati medical camp tem ayongzüka agitsü.
Kohima district nung ‘Friends of Nagaland’ aser Indian Academy of Echocardiography telok anati Medical camp ketdangsüa repranger. ‘Friends of Nagaland’ telok nung Dr. Umesh Borwankar – Surgeon; Dr. Anol Samant -Radiologist aser Dr. Leena Samant – Anaesthetist nunger lir aser Indian Academy & Echocardiography telok nung Dr. Hrishikesh Shah (Mumbai); Dr. Vatsala Shree (Vellore); Dr. Mohsin (Mumbai) aser Dr. Sanjay Upretti (Delhi) nunger lir.
‘Friends of Nagaland’ (Mission for the Nation) Team Leader, Dr. Suparna Nirgudkar M.D. (Med.) Consultant Physician & Intensivist-i osangbener den jembidang ashiba agi, tang agi tasembenbuba la Nagaland-i arur aser Mumbai nungi mezüngbuba Medical team Nagaland-i arubaji parnok lir.
Tesüiba mapang medical camp tem alidang, Naga nunger dak high blood pressure, diabetics, hyper tension ama tashitak kanga bulua aliba putetogo aser iba nungji ajemdaker onoki blood pressure, diabetics, anti-biotic, pain killer, acidity dak sendakba mozütem bener arua lir, ta Dr. Suparna-isa metetdaktsü.
Dimapur district nunga November 26 nü district Hospital nung anogo asemnü angati medical camp tenzükogo.
Mezüng anogo nung shiranger 115-i department balala nungi check up, test aser consultation angati agiogo.
Tanep medical camp metenzükdang district hospital indang chapel hall nung Rev. Mar-i temoatsü meshia sarasadem.
Sentong nung Medical Superintendent Dimapur-i tarurtem pela agizük aser parnok tejak shiyutepba mapang agi.
Iba mapang Executive Director, Cancer Patients Aid Association, (CPAA) Neeta More-i ashiba agi, 1969 nungi CPAA-i cancer dak sendakba maparen inyaka arur.
India kübok tesem balala nung CPAA-i nisung 2,76,000 tashi screen süogo, ta Neeta More-isa shisem aser laisa Founder Chairman & CEO, YK Sapru-i CPAA tenzükba atema tenüngsang agütsü.
Dimapur district nung cardiology aser medicines dak alia cancer aliba metettsü atema temulung agütsür.
CPAA nungi doctor temi breast; cervical; ENT aser oral cancer amala tendanga repranger aser iba nung Papsmear, human Papilloma virus tendanga repranger, ta Dr. Neeta-isa ashi.
Nagaland nung cancer screening programme ya Voltas nung subsidiary Ltd Universal Comfort Products limited ajanga teyari agütsür.
Honibar nikongtsütsü Nagaland Angh, P.B. Acharya-i Dimapur district Hospital semdanga angati medical camp agiba osang metetpela liasü.
November 28, 2016 anepdang 9:30 ako nungi District Hospital Dimapur nung angati medical camp agitsü.