Nagaland nung Anti-Terrorism anogomung amungtsü

Dimapur, May 19 (TYO): Nagaland sorkari Nagaland nung Anti-Terrorism anogomung tan May ita 21 nü amungtsü renemba osang ka tanü Brehostibar nü sangoktsüogo.
Lanurtem kiralongratsüren nungi piladaktsütsü, nüburtemi timtem toushi ajurushiba yimjak nung sangdongtsü aser kiralongraba ajanga linük nem takoksa bener arutsür ta sayutsü nükjidong nung Anti-Terrorisn anogomungji ayonga agitsü renemer.
Iba anogomung den sentaktepa, Head of Department, Deputy Commissioner, State Government Office-tem, public sector nung tentetba tentettem aser lokti tentet shia-i tapet sentong ayonga kiralongrabaren anema nokdaktsü tenangzükba agia, Anti-Terrorism anogomong amungtsü tetuyuba ka Nagaland Chief Secretary, Pankaj Kumar IAS-i agütsüogo.