Nagaland nung Ayushman Bharat Pakhwara amongtsü

Dimapur, September 17 (TYO): Linük den külemi Nagaland nung Ayushman Bharat Pakhwara amongtsü.
Iba ya Pradhan Mantri Jan Arogya Yojana (PMJAY) küm ka ajungba tenüng nung September 15 nungi 30 tashi district ajak nung amongtsü.
Iba scheme ajanga Nagaland nung shiranger 3000 tema tajangzük nguogo aser iba nung sen Rs. 4.7 crores endokogo. Nagaland nungsa ecards lakh 2 yangluogo, saka nisung aikati iba indang osang mejangja lir, State Nodal Officer, AB-PMJAY, Nagaland Dr. Kikameren Longkumer-i ashi.
Nagaland nung PMJAY ecard agütsütsüpur kibong lakh 2.3 lir saka September 15 tashi nung kibong 28% dang tongteta lir, ta pai ashi.
District headquarters shia nung Health and Family Welfare, Social Welfare, Urban Development, aser Municipal Affairs Department temi walkathon ayonga agitsü.
Kiphire, Kohima, Peren, Tuensang aser Zunheboto nung September 19 nü, Dimapur aser Phek nung September 23, Longleng aser Wokha nung September 27, Mon nung September 24 nü aser Mokokchung nung ang anogo ano melemtet lir.
Ayushman Bharat Diwas ji September 23 nü PMJAY empanelled hospitals aser Sub-Centre Health and Wellness Centres (HWCs) ajak nung amungtsü.
Nagaland nung PMJAY empanelled hospitals 59 lir aser itemji private hospitals 4, district hospitals 11, community health centres 20 aser primary health centres 24 lir.