Nagaland nung “Beti Bachao, Beti Padhao” project atema tenla agütsü

Kalyan, Maharashtra nung Aami/June 27, 2018 nü Governor Acharya den ketdangsertem külemi tangokba noksa nung angur.

Kohima, Aami/June 28 (TYO): Aami/June 27, 2018 nü Nagaland Angh, P.B Acharya-i Kalyan Janta Sahakari Bank Ltd semdanga liasü; multistate scheduled co-operative bank ya Thane, Kalyan, Maharashtra nung lir, ta tanü PRO, Raj Bhavan sangdong ka nung metetdaktsü.
Iba Bank nung Board züngsemtem dang jembidang Acharya-i, tesüiba küm pezü tsüngda Nagaland densema North East state tem renlokba indang metetdaktsü; Paisa linük yangertsü atema state aser Central sorkar nati mapatong aika inyakogo, ta ashi, ta sangdong nung shia lir.
Angh Acharya-isa parnok dang Nagaland semdanga alima tebor ajung reprangtsü aser lisopurtem ajurutsü mepishia liasü.
Ano Banks Directors’ Trust-ia Nagaland nung Governors’ “Beti Bachao, Beti Padhao” project atema sen 51,000 indang cheque agutsü. Trust Secretary aser taoba mapang Bank Chairman, Mohan Agharkar-i cheque ji agüja liasü.
Nagaland aser temeket state tem nung terenlok mapa balala indang Dr. Vasant D Kane-i Angh dang osangola-a liasü
Tatemsa Vice Chairman, Madhusudan Patil-i Nagaland Angh-i Bank semdangba aser shisa lemsatepba atema pelaba lemsatep.