Nagaland nung Bharat Vyapar bandh takok ngua agiogo

Dimapur, February 26 (TYO): Confederation of All India Traders (CAIT)-i Goods & Services Tax rules anema Bharat Vyapar bandh ayongba Dimapur nunga takok ngua agiogo.
Tanü Dimapur nung shishilembadak ajak shibang aser commercial vehicles mesenzü. Ajisüaka, shisaliok rejutem, bank aser office tembo akhi ama lapokogo.
“Nagaland kübok district 11 nung Bharat Vyapar bandh takok ngua agiogo aser iba mokdangba mapang mataloktsü atalokba osang kecha mali,” ta Dimapur Chamber of Commerce and Industries President, Akashe Zhimomi-i ashi.