Nagaland nung CB Trophy match asayatsü; Gujarat U-19 Vs A&A combined team

Dimapur, November 13 (TYO) : Nagaland Cricket Stadium, Sovima, Dimapur nung Nagaland Cricket Association-i tan mezüngsüa BCCI Trophy asaya ayonga asayatsü, ta Nagaland Cricket Association sangdong ka ajanga metetdaktsü.
All India Cooch Behar (Under-19) mezüngbuba league asayaji Group-D nungi Gujarat (U-19) aser A & A team (BCCI Association & Affiliate members team) na tsüngda November 14 nungi 17, 2016 tashi asayatsü. BCCI nungi asaya ketdangsertem aser telok anaprong nungi team züngsemtem Dimapur tonga aruogo. Iba den külemi A & A team atema November 8 nungi 13, 2016 tashi Dimapur nung camp ka kaogo, ta sangdong nung shia lir.
Sangdong nung ashiba agi, A & A team ya Arunachal Pradesh, Meghalaya, Manipur, Sikkim, Nagaland aser Bihar nungi asayartem meyokteper akümba telok lir. Iba team ya September 2016 nung Alur, Bangalore nung All India Junior Selectors, Venketesh Prasad aser Rakesh Parik nati Associate & Affiliate Members trophy mapang shimba lir.
A & A team-i October ita Dhanbad, Jharkhand nung East Zone Vinoo Mankad (U-19) One Day asayamung nung asayaogo aser iba asayamung nung kanga junga asayar asem East zone atema shimteta lir – Bihar nungi Sabir Khar aser Anmol Bony na aser Nagaland nungi Tahmeed Rahman, ta sangdong ajangsa ashi.
Kasa sangdong ajanga, A & A team nung Nagaland nungi parnok pezü lir aser parnok ajak pei tesem nung mezüng asayadang asayatsü maongka angutsü. Sedezalie Rupree, Puchu Deb, Nagaho Chishi aser Tahmeed Rahman nunger asayamung mezüng pezünü prong asayatsü renema lir, ta ashi.
Iba asayamung nung shia aliba anogotem nung anogo shia anepdang 8:45 nungi nikongdang 3:45 tashi asayatsü anungji cricket meimer aser jangrartem ajaki iba otsüsütsü asayatem arua reprangtsü pelashishia jaoker, ta Nagaland Cricket Association-i metetdaktsü.

MATCH FIXTURE
Cooch Behar (U-19) Group-D (Four day match)
November 14 to 17 –
Gujarat Vs A & A Team
Dimapur
November 21 to 24
Saurashtra Vs A & A Team
Rajkot
Nov 28 to December 1
Hyderabad Vs A & A Team
Hyderabad
December 5 to 8
Jharkhand Vs A & A Team
N.E.
December 12 to 15
Karnataka Vs A & A Team
Bangalore
December 19 to 22
Madhya Pradesh Vs A & A Team
N.E.