Nagaland nung Chief Information Commissioner mali

Guwahati, Mongputeni (October) 12 (Agencies): India nung Chief Information Commissioner (CIC) maliba state asem rongnung Nagaland ka lir ta Transparency International India (TII)-i ita asem survey agiba ajanga metetdaktsüogo.
ICI maliba tanga state anaji Andhra Pradesh aser Jammu & Kashmir lir.
TII-i survey agiba nungsa state 17 nung Information Commissioner mapa 156 tazüng aliba bushitet.
Information Commissioner indang mapa tazüngtem dak alia state 17 nung CIC mapa tazüng aliba bushitetogo.
India nung state 29 nungi 10-i 2016-17 indang annual reports renemogo aser state 11-i dang complaints mesüra appeals agütsütsü atema online facilities tenzüka lir.
Chattisgarh state-i dang 2005 nungi 2017 tashi annual report tem renemer agüja arua lir, ta TII-isa metetdaktsü.