Nagaland nung Children’s Film Bonanza akatsü

Dimapur, July 07 (TYO): Children’s Film Society, India (CFSI)-i outreach partner, Cinedarbaar den senteper Nagaland Board of School Education-i yaritepa July ita nung tanurtem atema CFSI film bonanza ayonga akatsü.
CFSI Bonanza-i July 14 nungi July 21 nü tashi Nagaland nung Tuensang, Mokokchung, Kohima aser Phek district tem nung aliba school tem nung film screening asütsü.
Children’s Film Bonanza ji mezüng Tuensang nung July 14-15 anogotem nung akatsü, iba sülen Mokokchung nung July 17-18 anogotem nung aser Kohima nung July 19-20 anogotem nung akatsü. Tatembangsüa July 21 nü Pfütsero nung screening tembangtsü.
CFSI film bonanza nung item film sayatsü: Nokpokliba, Maa, Kima’s Lod, Jeeyo Aur Jeeney Do, Adventure of Sugar, Summer with Ghost, Raju & Tinku (A Boy and a Mouse), Happy Mothers Day, Touching Wild Horses aser Katputli lir.
Tanurtem indang temeten balala ajungkettsütsü atema National Commission for Protection of Child Rights (NCPCR) -i yangluba animated film-a kar sayatsü.
Iba festival nungsa item film nung ajemdaker quiz competition akatsü aser telangzüba shitak agütsürtem nem sempet agütsütsü.