Nagaland nung coronavirus osang taila yanglua prokshir apu

Dimapur, March 18 (Agencies): Nagaland nung coronavirus indang taila osang ka yanglua prokshiba nisung ka puogo.
Kohima nung cyber crime police-i iba taila osang forward asüba nisung 30 dak tali jaoka asüngdangya asü, ta Kohima superintendent of police (crime) & PRO Manoj Kumar-i tanü metetdaktsü.
Iba taila osang ya Lumchano Kithan-i yanglur WhatsApp nung prokshi. La ya Old Changsu nunger Yisao Kithan’er jala lir aser PWD Colony, Dimapur nung telidak lir, ta Kohima police-i ashi.
Lumchano Kithan-i text message ya yanglu aser lar medemertem dangi yok. WhatsApp nung iba osang anguba sülen tanur kati coronavirus indang video ka yanglur prokshi, ta parnokisa metetdaktsü.
Iba ken o bushisüngdanga aodang, nisung aikati iba osang indang kuli tejangja memeti, social media platforms/groups nung prokshiba bushitet. Social media nung text message aser video ajanga taila osangtem prokshir, ta Kohima police-isa ashi.
Parnokisa nübortem dang state Health and Family Welfare Department nungi official sangdong agütsübatem nung dang amangtsü mepishia metetdaktsüogo.