Nagaland nung COVID-19 Delta Variant 93 putet

Kohima, July 2, 2021 (TYO): Nagaland nung COVID-19 indang Delta variant 93 tashi putetogo ta Hokolbarnü Health and Family Welfare (HFW) Department-i metetdaktsü. Delta variant dang B.1.617.2 ta-a ajar.

“NIGB, Kalyani, West Bengal dangi Whole Genome Sequencing atema yokba sample indang osangtem HFW Department-i nguogo” ta Principal Director, Dr Neikhrielie Khimiao-i ashi.

“Sample 98 tashi tendangtsü bener yokba nungi sample 93 Delta variant, 2 Kappa variant (B.1.617.1) aser 1 Alpha variant (B.1.1.7) putetba osang nguogo. Ano, sample ana indang osang ano mangu lir” ta pai ashi.

“COVID-19 indang Delta variant ya kanga melamela menateper anungji nisung ajaki maneni COVID inyakyim benshitsü aser vaccine agitsü ayongzüker” ta Principal Director, Dr Neikhrielie-i ashi.