Nagaland nung Cyclone Fani indang temetettsü

Dimapur, May 3 (TYO): May 3, 2019 nü Odisha tzüküm atongba sülen Cyclone Fani ya North-Northeast tsütsü onyonga arudar aser Hokolbar aonung tesü West Bengal atongtsü, ta Nagaland State Disaster Management Authority (NSDMA)-i sangdong ka nung ashi.
May 4, 2019 nü Cyclone Fani ya Bangladesh tsütsü aotsü aser idangji Meghalaya o lower Assam süitsü, ta NSDMA-i ashi.
Cyclone Fani süiba ajanga Northeast India nung tzünglu kanga arutsü aser Nagaland nunga tsünglanglen agüja aliba tzünglu arutsü akok.
May 3, 2019: Aonung tesü nungi tzünglu aru tenzüktsü.
May 4-5, 2019: Anogo anaprong nung tzünglu tashii arutsü aser anüngdang teimba arutsü.
May 6, 2019: Iba anogo nungi anüng merüka akümtsü aser anüngdang tzünglu tera aruba dak alaka balaka marutsü.