Nagaland nung DAKSHATA tenzük

Dimapur, Metsüremi (March) 21 (TYO): National Health Mission, Nagaland Missions Director, Dr.Kevichusa Medikhrü-i yashi DAKSHATA maparen tenzüktsüogo.
DAKSHATA yagi tetsütem aser kinü tanurtem nem teyari agütsür aser Nagaland nunga Metsüremi (March) 20, 2018 nü Conference Hall, Directorate of Health & Family welfare, Nagaland nung iba maparen tenzüktsü.
Sentong nung Dr. Kevichusa-i o jembidang, linük nung tetsütem aser kinü tanurtem taküm kümzüktsü atema DAKSHATA ya tenzük aser asenoki Nagaland nunga iba mapa ya nendaka inyaktsüla, ta ashi.
State Program Officer (RCH), Nagaland Dr.Bendangla-ia DAKSHATA indang temetettsü metetdaktsüdang, iba ya LaQshya (Labour Room anepaluba) den yaritepba maparen ka lir ta ashi.
DAKSHATA ajanga mozü kitem nung tanur asodang teyari agütsütsü. Nagaland nung iba maparen ya district pezü- Mon, Longleng, Tuensang aser Kiphire nung inyaktsü aser iba sülen tanga district tem nunga tenzüktsü.
DAKSHATA tenzüktsüba sülen district tem nung Trainers atema anogo 5 nü training agitsü. Iba training ya Jhpiego den yaritepa ayongzüker aser Jhpiego telok nung Dr.Rashmi Asif, Director, Clinical Sercives & Training, Dr.Himanshu Sekhar Sahu, Senior Program Officer aser Dr.Apoorv Jain, Program Officer nungertem dena lir.