Nagaland nung Dr. Ambedkar tasoba anogo amung

Dimapur, November 27 (TYO): Linük den külemi Nagaland nunga November 27, 2017 nü Dr. Ambedkar sor küm 127 ajungba anogo mungogo. Sentongji Nagaland Civil Secretariat conference hall nung agi.
Shitakbabo Dr. Ambedkar indang tasoba anogoji November 26 lir aser kasa anogo nung Constitution Day amunger, saka taküm Deobar anogo denjiba agi Nagaland nungbo November 27 nungang iba anogo amung.
Sentong nung mendenji Chief Secretary, Pankaj Kumar, IAS liasü aser India Linük Temzüng indang Preamble zünga metetdaktsü.
Nagaland-isa November 19-25, 2017 tashi Quami Ekta week (National Integration Week) mungogo. November 25 nü State holiday asüba agi tanü ang sentongji amung aser iba mapang Chief Secretary-i tenangzükba agidaktsü.