Nagaland nung e-LISS Software training agütsü

Dimapur, Monupii/May 05 (TYO): Department of A.H & Veterinary Services ajanga Directorate nung aliba Integrated Sample Survey indang staff ajunga atema E-Livestock Integrated Sample Survey Software (e-LISS Software) training ayongzüka liasü.

Ibai Guwahati nung April 27 & 28, 2023 anogotem ‘Two Day Training on eLISS for State Nodal Officers and District Nodal Officers for NER’ agiba indang follow-up training ka liasü.

eLISS software nungya web portal aser Android-based application lir, koba digital yimya nung Major Livestock Production (MLP) data bendenba nung amshir.

Integrated Sample Survey (ISS) kübok bendenba data aser statistics tem inyakyim balala nung kanga tongtipang süa amshiba indang Director, A.H & Veterinary Services ajanga ashi.

Iba app nung bendenba data ya sentong balala yanglutsü atema kanga tongtipang lir, koba state aser central budget yangluba nunga kanga tongtipang lir, ta pai ashi.