Nagaland nung Engineer-tem anogo amongtsü

Dimapur, Sept.13 (TYO) : Federation of Nagaland State Engineering Services Association (FONSESA) purtemi September 15, 2015 nü anepdang 10:00 ako nungi “Engineers’ Day” amongtsü asoshi sentong renema lir.
Iba sentong ya Engineer-in-Chief’s Conference Hall, NPWD Complex, Kohima nung amongtsü aser Wb.Pankaj Kumar,(IAS),Chief Secretary, Nagaland tongti tesemdanger asütsü.
Iba sentong nung Er.Shikato Sema, Vice President, FONSESA menden asütsü aser telok pelaa agizükba den külemi “Engineers’ Day” amongba tetezü FONSESA tir Wb. Er.R.Temsutemjen-i jembitsü. Iba denji ano Er.K.Miachieo, Chief Engineer (T&G),Dept. Power-i tajungshi o jembitsü aser tesüsa Er.Limanaro, S.E,NPWD-i tepela o ashitsü.
Iba sentong nung FONSESA züngsem ajak arua adentsü ketdangpurtemi mepishia metetdaktsüogo.