Nagaland nung food processing sector tsütsü teinyaktsü aika lir

Hokolbarnü Acacia Hotel, Dimapur nung Industries & Commerce Parliamentary Secretary, Amenba Yaden-i o jembiba angur. (Dimapur, November 20)

Dimapur, November 20 (TYO) : North East nung aser talisa Nagaland nung chiyungtsü talubosa angur anungji Nagaland nung food processing sector mapa inyakertemi item chiyungtsütem bushitepa industry lapoktsütsü sentong atongtsüla, ta Industries & Commerce Parliamentary Secretary, Amenba Yaden-i ashi.

Hokolbarnü Hotel Acacia nung “Exploring potential of food processing in north eastern states” shisatokden sentong nung Amenba-i iba onük jembi.

State sorkari Nagaland State Policy for Organic Cultivation adopt süa lir aser iba ajanga food processing sector nung teinyaktsü wadang aika lapoktsür. Nagaland nung shiruru alepdak aser tanga meat processing units lapok nung kanga ajangzüktsü, ta paisa ashi.

NE tesem nung food processing maparen renlokdaktsütsü atema Ministry of Food Processing Industries-i National Mission on Food Processing tenzüktsü aser iba atema 12th Five Year Plan kübok North East Region nung senotsü lemzüktsübaji 90:10 lir, ta Industries & Commerce Parliamentary Secretary-isa metetdaktsü.

Ajisüaka, Centre-i April 1, 2015 nungi central financial assistance malitsüsa aküm aser ibaji ajanga Nagaland aser tanüngba North East State tem food processing maparen inyaktsü atema senotsü lenmang melii aküm, ta paisa ashi.

North East State tem nung infrastructure facilities peria mali aser iba jagi aluyimertemi tsünütetba chiyungtsütem kanga raksa endoker aser takoksa ajurur, ta Amenba-isa ashi.

Paisa, Ministry dang NE state tem asoshi National Mission on Food Processing (NMFP) maneni alitsü mepishia metetdaktsü.

Tanü sentong nung Commissioner & Secretary, Industries & Commerce, Govt. of Nagaland; M. K. Mero aser Director of Industries & Commerce, Nagaland; I. Bendangliba natia o jembi. Sentong nung Sagar Kurade, Vice President, AIFPA-i tesentepertem pela agizük aser S. Bhattacharjee, Executive Director, NERAMAC-i shisatokden indang omen jembi.