Dimapur, January 13 (Agencies): BJP National Secretary Farooq Khan-i Dimapur nung sentong ka nung adentsü arudang Nagaland nung gari lenmangtem kanga dang mejungi aliba ajitetogo.
Mongulbarnü Khan-i ashiba agi, Nagaland nung gari lenmangtemji nisungtem atema kanga majung.
“National highways dak alaka tanga lenmang ajak kanga majung” ta pai ashi.
State BJP president tasen Visasolie Lhoungnu pela agizükba sentong ka Dimapur nung alidang pai iba olen jembia liasü.
Paisa, Nagaland nung infrastructure majungba indang onük jembi aser iba nung ajemdaker pai State BJP party züngsemtem dang Visasolie lenisüba kübok Nagaland nung public infrastructure tem renlokdaktsütsü atema mapa inyaktsü tayongzüba agütsü.
You must be logged in to post a comment Login