Kohima, January 23 (Agencies) : Nagaland sorkari state nung kobi melii human rights commission ka tentettsü.
State sorkari sangdong ka nung ashiba agi, retired high court chief justice ka lenisüba kübok Nagaland State Human Rights Commission (NSHRC) tentettsü.
Iba luden nung züngsemtemji secretary, retired HC judge aser human rights nung mongin nisung ka asütsü.
Chief minister TR Zeliang-i aniba selection committee ka ajanga NSHRC chairman aser züngsemtem shimtsü. Selection committee nung chief minister den assembly speaker, home minister aser assembly nung opposition leader nungertem züngsem lir.
Sorkarisa ashiba agi, NSHRC nung Superintendent of Police ka ketdangsüba kübok bushisüngdangba telok ka alitsü aser iba Investigating Wing nung SP den Inspector ka, Sub-Inspectors asem, Constables trok, Drivers asem aser Peons asem alitsü.
NSHRC-i sorkar nem annual aser special reports sangoktsütsü aser itemji assembly nung benoka olemteptsü.
You must be logged in to post a comment Login