Nagaland nung I.T training angati agütsütsü

Kohima, April 22, 2019: Tanü Raj Bhavan, Kohima nung Director General BSF, Rajni Kant Mishra- Nagaland Angh, PB Acharya ajurudang tangokba noksa nung angur. Director General-i tang state semdanga aliba mapang nung Angh ajurur. 

Kohima/Dimapur, Rongchii/April 22 (TYO): Mumbai nung amendaker aliba NGO, Indian National Fellowship Centre (INFC) puri Nagaland aser Mumbai na tsüngda School Linkage Programme (Computer Workshop) ka apitetogo aser iba kübok Upnagar Shikshan Mandal (USM) nungi tesayur asemi Kohima, Dimapur aser Wokha nung April 23 nü nungi tenzüka May 9 nü tashi IT Workshop agitsü, ta ketdangsertem osang ka ajanga metetdaktsü.
Iba Workshop ya Saraswat Cooperative bank, Mumbai-i sponsor asütsü.
Iba sentong dak sendakba nung Angh aser School Education Director Wonthungo Tsopoe aser Asst. Director Nellayappan nunger Raj Bhavan nung senden ka menogo. Iba sentong takok ngua agitsü asoshi department-i takok tashi inyakdar.
Training sentong ya April 23 nü anepdang 10:30 ako nung Dr. N.Kire-i, Government H.S. School, Kohima nung tenzüktsütsü aser sentong nung K.T. Sukhalu aser Angh P.B. Acharya nata adentsü.
Tesayur asem- Nidhi Poddar, Trupti Jadhav aser Snehal Sambre nunger USM Mumbai nungi parnok indang laptop aser audio-visual equipments bener arutsü. School balala nungi IT tesayurtem training atema school ka nung adenshitsü.
Training agütsüba tatembangbuba anogo sentong nung Saraswat Cooperative Bank, Mumbai (Sponsor) nungi Hemant Raathi-i arua dentsü. Iba sentong ya Raj Bhavan nung May 8 nü nikongdang 5:00 ako nungi tenzüka agitsü.
Schedule aser Training Centre tem yamai alitsü:
1) 23-04-19 nungi 26-04-2019 : Dr. Neilhouzhu Kire GHSS, Kohima + tanga schools 15. (Contact No.9612187199)
2) 28-04-19 nungi 01-05-2019 : Pranabanand Vidyapith School, Dimapur + tanga school 15 (Contact No.9402832637)
3) 03-05-19 nungi 06-05-2019 : Vivekananda Kendra Vidyalaya, Doyang + tanga school 15 (Contact No.8811870609)
Temalen shisema aliba school tem nungi tesayurtem dang alia iba training nung adentsü asoshi tesayur shirnokisa jangrar parnoki Kohima, Wokha aser Dimapur training centre mesüra Raj Bhavan (No. 0370-2243518) nung osang agütsütsüla.
Bus nung senzüsenpongba aser Training Centre tem nung amungba ajakji sentong ayongertemi achaayangtsü.
North East, Linük nung tanga state tem den liromedema atutsü atema Information Technology dak tashi lir. Tanur ka tain akümdang kechi lenmangi aotsü shimdir shimaka parnok takok ya technology inyakyim angatetba dak tali sendaktepa akümtsü aser oshi den inyakyim ajak yaa tanur asüdang tajungba angazükteter. Ajisüaka technology balala amshitsü atema shisatsü aser skill peria maliba ya tetsükdaktsüka lir; talisa iba tetsükdaktsü arrtsü nung aliba tesemtem nung ajurur.
Iba workshop ajanga tesayur aser kaketshirtem multimedia amshiyim nung ajungkettsü. Parnokisa Massachusetts Institute of Technology (MIT) nung tenzükba free programming language ka kaketshirtem nem metetdaktsütsü. Iba ajanga kaketshirtem teshisadangba uludaktsütsü aser parnok saka interactive games aser otsü purapitettsü.
2017 küm INFC-i, Arunachal Pradesh kübok Tawang district nung Government Higher Secondary School, Lumla nung hopta ka computer workshop katsüa liasü. Parnokisa Pasighat, Arunachal Pradesh nung training agütsüogo. Iba training ajanga computer science tsütsü kaketshirtem kanga ajungmesogo, ta ketdangser sangdonga liasü.