Nagaland nung IEI centre lapok

Kohima, February 13 (TYO): Bodbarnü Institution of Engineers India (IEI) President Dr T M Gunaraja-i Nagaland State Centre lapoktsü. Iba ya IEI indang centre 124 buba lir.
Government Polytechnic Kohima nung Engineer-in-Chief Nagaland PWD Krosu Rhetso den IEI o Federation of Nagaland State Engineers Services Association nungi ketdangsertem lia Dr T M Gunaraja-i IEI Nagaland State Centre lapoktsü.
Paisa IEI Nagaland Centre mezüngbuba ketdangpurtem shimtsü aser parnokji D A Shishak (chairman), I N Jamir (Honorary Secretary) aser Rabinderjit S Panesar (member), Ankur Jain (member), Visekolie Nakhro (member) aser Anand Sethi (member).
IEI-i küm noklang ka ajungba benjung nung shilem ka ama North East region nung temulung agütsütsü. NE region dendaktsüba dang masü saka iba tesem nung lenmang yangluba inyakyim aika lir aser itemji onoki angazüktsüla ta bilemer, ta Dr Gunaraja-i o jembidang ashi.
“Onoki North East aser Nagaland nung engineers nem teyari agütsütsü aser iba atema IEI-i Kolkata nung aliba Headquarters nung special cell ka lapoktsü telemtetba agiogo. Iba ajanga NE Region nung aliba IEI centre ajak nungi chairman aser secretary tem nem teyari agütsütsü” ta paisa shisem.
Union Ministry of Road Transport and Highways-i Parliament nung Engineers Bill ka benoktsü atema mapa tenzükogo aser iba indang draft bill ka yakta sayatsü, ta paisa ashi.
Iba sentong nung Indian Engineers Federation Chairman C Debnath, Engineer-in-Chief Nagaland PWD Krosu Rhetsu, Immediate Past president Sisir Kr. Banerjee aser Principal of Government Polytechnic Kohima, K Rhutso nungertemi o tatsütsü jembi.