Nagaland nung ITI tasen 4 amenoktsü

New Delhi, May 02 (Agencies): Tanü Minister of State (I/C), Skill Development & Entrepreneurship, Rajiv Pratap Rudy-i Department of Treasuries & Accounts, Relief & Rehabilitation, Government of Nagaland Advisor, Dr. T.M. Lotha ajurua “Enhancing Skill Development Infrastructure in NE States & Sikkim” scheme aser skill development mission kübok scheme balala ajanga Nagaland nung terenlok mapa inyakba indang o lemtepa liasü.
Tenatisa Nagaland nung skill development institutions amenoktsü atema state koba jenjang ka nung lir, iba atemaji asadanga o lemtepogo.
Nagaland nung ITI ana up-gradation kübok lir aser ITI pongu Supplementing Deficient Infrastructure kübok lir, aser iba atemaji sen lakh 1149.47 lemzüktsüogo. Iba scheme kübok aliba ITI anaji Dimapur aser Peren na lir.
Tang ITI tasen ana amenoktsü atemaji sen lakh 788.50 lemzüktsüogo.
State kübok district ana nung ITIs ana lir (Longleng aser Kiphire). Anungji tamalen ITI tasen ana lemzükja liaka tangbo pezü akumtsü atema benokogo.
ITI tasen amenoktsü atema benokba dak sendakba nung Minister-i, state nung ano ITI tasen ana bendenloktsü atema ministry-i mera agia inyaktsü, ta metetdaktsü.
“Enhancing Skill Development Infrastructure in NE States & Sikkim” scheme ya 2010 küm February 2010 ita nung sen crore 57.39 intoka tenteta liasü.
Iba mapang nungji ITI 20 up-gradation küboki aitdaktsü aser ITI 28 Supplementing Deficient Infrastructure küboki aitdakja liasü.
2014 küm ITI tasen 14 amenok aser ITI ka amenokba shia sen crore 6.22 intok aser maneni ibaji reprangshia 2015 küm nungbo ITI tasen 22 amenokba nung ITI shia sen crore 9.50 intok.