Nagaland nung Judicial Officer tem ‘Judicial Enhancement Programme’ nung aden

Dimapur, April 23 (TYO): Nagaland nungi Judicial Officers 10 tashi ‘Judicial Enhancement Programme’ ka nung aden.
Iba sentong ya Assam, Nagaland, Mizoram aser Arunachal Pradesh nungi Grade-I Judicial Officers atema liasü.
Iba sentong ya Gauhati High Court-i Judicial Academy, Assam & Nejoti den yaritepa Assam Administrative Staff College, Khanapara, Guwahati nung April 22& 23 anogotem agi.
Mezüng anogo nung High Court of Delhi Judge, Justice J. R. Midha-i ‘motor accidents claims’ indang ozüngtem melenshiba aser inyakyim indang metetdaktsü.
Maneni, Calcutta High Court Judge, Justice Joymala Bagchi-i Protection of Children from Sexual Offences Act (POCSO Act) indang jembidang, tanur dak sendakba ken o temji District and Session Judge indang Special Court aser Public Prosecutor inyaker Special Prosecutor tsüngdangdang benoka angadangtsüla, ta ashi.
Anogo tanabuba nung taoba Supreme Court of India Judge, S.J. Mukhopadhaya aser taoba Punjab and Haryana High Court Judge, Justice (Dr.) B.B. Parson nati The Narcotic Drugs & Psychotropic Substances Act aser Arbitration & Conciliation Act indang jembi.
Iba sentong nung Nagaland tenüng nung adenertem- Khape Koza, Principle District and Session Judge, Mokokchung, Y.M. Imchen, Principle District and Session Judge, Kohima, G.H. Ramlia, Principal District and Session Judge, Dimapur, Hukato Swu, Principal Judge Family Court, Dimapur, N. Suyie, District and Session Judge, Zunheboto, K. Koso, District and Session Judge, Wokha, L. Ezung, District and Session Judge, Phek, Mrs. Y. Longkumer, Registrar Gauhati High Court, Kohima Bench, Mrs. Nino Iralu, Member Secretary Nagaland State Legal Services Authority (NSLSA) & Special Judge TDP Vigilance Commission aser Neiko Kanuo, District and Session Judge, Mon nungertem liasü.
Nagaland dak alia Assam, Mizoram aser Arunachal Pradesh nungi Grade-I Judicial Officers, Assam nungi police ketdangsertem aser insurance company nung ketdangsertem aika aden.