Nagaland nung mezüngbuba digital OPG aliba dental clinic lapok

Dr. Wangshimenba M Ozukum aser Rev. T. Ariba Imchen na (abelen) digital OPG (Orthopantomograph) machine aser (achiji) Computer mounted dental chair anasa agiba noksa nung angur.

Dimapur, March 29 (TYO) : Mongulbar nikongtsütsü Dimapur Ao Baptist Arogo sannüker Rev. T. Ariba Imchen-i Dimapur nung Dentistree Rendezvous ta ser tebu anepaluba clinic tajung ka meshiteta lapoktsü.

Iba clinic ya Mongsenyimti nunger Dr. Wangshimenba M. Ozukum-i lapokba lir aser pa ya Orthodontic, Implantology aser Cosmetic dentistry azüngba takotet doctor ka lir. Iba Clinic ya Dento-Facial Aesthetic & Implant Centre ka lir.

Tanü DABA Music Director, Jongshimanen-i temoatsü meshia sarasademer Clinic lapokba sentong tenzük aser tatem nung Rev Ariba Imchen-i Tsüngrem o nungi tayongzükba agütsüba sülen lokti sarasademba mapang ka agia Clinic meshiteta lapok.

Iba Clinic nung Nagaland nung mezüngbuba digital OPG (Orthopantomograph) ta ser machine ka amenoka lir. Iba machine ajanga X-Ray agir saka iba digital X-Ray nung tanga X-Ray tem dang nungi radiation tajemba lir aser noksa tejangjaba menüngzüker.

Tanü sentong nung Kevijau Council Chairman Er. Tia, Dimapur Mongsenyimti Senso Telongjem tir, Wb. Senkatemjen, Dr. Lanu MD (Pathologist), Dr. Imlitemsu MD (PMR), Dr.Vizo MD (Anesthesia), Dr. P. Jami MS (ENT), Dr. Chubasanen MS(Surgery), Dr. Limanaro BDS (Dentist), Dr. Nzanthung BDS (Dentist) aser SBI Golaghat road Branch Manager, Sosangmeren nungertem aden.

Dentistree Rendezvous Clinic ya Midland, Dimapur nung Lions Club jakdang lir aser Hombar nungi Hokolbar tashi anepdang 9:00 ako nungi lapoktsü.

Iba Clinic nung Dental implants, Guided bone regeneration, Orthodontic (Braces) correction, Dental laminates & Veneers, Rotary RCT, white cosmetic fillings, Crown & bridge, Post & Core, Scaling & Root Planning, Removable Dentures, Extractions, Periapical Surgeries, Gummy Smile Correction,. Gingival Surgeries, Smile Correction, Teeth Whitening teyaritem angutsü.