Nagaland nung mezüngbuba NSQF orientation indang workshop agi

May 20, 2016 nü NSQF orientation indang workshop nung Employment, Skill Development & Entrepreneurship Director, Muthingnyuha Sangtam-i o jembiba angur.

Dimapur, May 20 (TYO) : Nagaland nung mezüngbuba NSQF orientation indang workshop may 20, 2016 nü ayongzüka agiogo.
Iba sentong ya Department of Employment, Skill Development and Entrepreneurship, Government of Nagaland-i National Skill Development Agency (NSDA) den yaritepa ayongzük.
State department tem nem National Skills Qualifications Framework (NSQF) angazükdaktsütsü aser Nagaland state nung NSQF maparen tenzüktsü nükjidong nung iba sentong ayongzüka agi.
Tanü agiba sentong o shisalen sayurtemji, NSDA nungi Nidhi Gautam aser Pangkhuri Borgohain na liasü aser tenati Skill Development Ministry-i inyakba tongtipang mapatem metetdaktsü.
Sentong tenzükdang, Employment, Skill Development & Entrepreneurship Nagaland Director, Muthingnyuha Sangtam-i Nidhi Gautam aser Pangkhuri Borgahain na dang pelaba metetdaktsü.
Shisalen sayur aser consultant NSDA, Pangkhuril Borgahain-i ashiba agi, NSQF ya telok aikati tebilemtsü khuret bena tenzükba mapaten ka lir aser telok ajaki terenlok atema shilem agitsü lir.
Iba maparen ya National Skill Development Agency (NSDA)-i acha-ayanga repranger aser National Skills Qualification Committee (NSQC) ka ajanga ketdangsüa inyaker, ta laisa shisem.
NSQC nung Chairman ka, tongtipang GoI ministry tem nungi teshimtet nübotem, State Skills Development Mission, Sectoral Representatives Regulatory Bodies aser Selected Training Bodies/Agencies nunger dena lir, ta Pangkhuril-isa metetdaktsü.
Tanü agiba sentong nung department balala, district ajak nungi ITI, Nagaland Tool room & Training centre (NTTC), Directorate of Information & Public Relations (DIPR), SCERT, DUDA, Technical Education, Nagaland University, Social Welfare, Industries & Commerce, Planning Department, Government Polytechnic aser State Urban Development Agency (SUDA) nunger aden.