Nagaland nung Minister Pangnyu-i tenzüktsü

Dimapur, Rongjui (September) 23 (TYO): Tanü Nagaland nung State Health Agency Department of Health & Family Welfare-i Ayushman Bharat- National Health Protection Mission/Pradhan Mantri Jan Arogya Yojana (AB- NHPM/PMJAY) tenzüktsüogo.
Linük den külemi Health Minister, S Pangnyu Phom-i Naga Hospital Authority Kohima (NHAK) nung iba scheme tenzüktsü.
Nagaland state nung Socio Economic & Caste Census (SECC) 2011 database aser RSBY (2016) Beneficiary families nung züngsema alirtemi iba teyari agitettsü. Iba scheme atema enrolment drive balaka malitsü aser Nagaland nung sensaker lakh 2.33 shi ka teyari angutsü, ta tanü Minister Pangnyu-i o jembidang ashi.
Tanü NHAK nung agiba sentong nung mendenji Principal Director, DH&FW Dr. Vikeyie Losu liasü.
Tanü Dimapur nung PHE Minister Jacob Zhimomi aser Kiphire nung Fisheries, Evaluation, Economics & Statistics Advisor L Khumo nati iba scheme tenzüktsü. Tanüngba district tem nung Deputy commissioner temi tenzüktsü.
Nagaland nung iba scheme indang osang tejangja metetnürtemi tsünglanglen agüja aliba nung tongteprateptsü akok.
helpline: 8794899089/9089776177/7628813737(state)| 1800111565/14555 (national) email: nagaland.nhpm@ gmail.com website: www.pmjay.gov.in | check eligibility at : mera.pmjay.gov.in