Nagaland nung molulem ozü agizüktsü renemer

Sri Lokeswara Rao PCCF&HoFF-i pa nem agütsüba senpet sen Pangti Village council Chairman aser Amur Falcon Roosting Association mendenbuba nem agütsüba noksa nung angur.

Dimapur, Oct. 11 (TYO) : Joko molulem ozü arutsü mapang atonger asünungji, Forest department den Pangti yimten aser Amur Falcon roasting area union nungertem longjemer “Welcome the incredible Amur falcons ” ta ser sentong ka Pangti yimtak yashi Hokolbar nü agia liasü.
Iba sentong nung Sri M.Lokeswara Rao I.F.S Principal Chief conservator of forests & Head of Forest Force tongti tesemdanger liasü. Pa den Deputy Commissioner of Wokha Sri Robin, Lotha, ASP, Wildlife Warden, Dimapur, aser Pangti Village Council Chairman, Gaon buras, Amur Falcon Roosting Association, NGOs aser Pangti aser temeket nung aliba yimtsüngtem nungi dena arua iba sentong nung dena liasü.
Iba sentong nung yimtaklirtemi molulem ozü (Amur Falcons) meyipa arukdakjang ta ken tena liasü.
Iba sentong nungsa Lokeswara Rao I.F.S, Principal Chief conservator of forests aser Head of Forest Force, pai Tiger land film festival nungi Tigerland Biodiversity Conservation award 2015 nung keter anguba sen Rs 25000, Pangti Village council mendenbuba nem agütsü. Pangti Village Council nung mendenbubaji Amur falcon Roosting association nung mendenbuba lir. Pai iba senji arem nung shirurutem litettsüsa inyakba mapatem nung amshitsü mepishia metetdaktsü.