Nagaland nung NCC cadet 200 shi Annual Training Camp nung adener

Dimapur, July 10 (TYO): June aser July 2016 nung kaketshirtem ‘summer break’ mapang Nagaland nungi NCC cadets 2000 shi tesem balala nung Annual Training Camp balala nung dendar.
25 Nagaland Company NCC (Mokokchung) indang mezüngbuba Annual training Camp ji June 14-23 tashi DEF Mokokchung anasa aliba CRPF Camp nung ayongzüka agi.
Iba camp nung Mokokchung, Mon, Longleng, Tuensang, Wokha aser Zunheboto district tem nungi Cadets (Boys) 500 tashi aden.
Tanabuba camp ji tang Nagaland Police Central School, Chumukedima nung agidar. Iba camp nung Kohima, Phek, Peren, Dimapur, Wokha aser Kiphire distrct tem nungi cadets 200 tashi dendar. 24 Nagaland Company NCC (Kohima) kübok ayongzükba camp ji July 4 nungi tenzük aser July 13 tashi agitsü.
Tasembuba camp ji 1 Nagaland Girls Battalion NCC (Kohima)-i SFS Higher Secondary School, Medziphema nung July 4-14 tashi ayongzüka agidar. Iba camp nung district ajak nung Cadets (Girls) 700 tashi dendar.
Ano, Nagaland Police Central School Chumukedima nung pezübuba Annual Training Camp ka ayongzüka agitsü. Iba camp ji 1 Nagaland Air Squadron NCC (Dimapur) ajanga July 14-23 tashi akatsü.
Iba camp nung air wing (both boys and girls) nungi cadets 400 shi adentsü imlar aser Indian Air Force nungi Transport aircraft aser helicopters tema amshitsü.
Küm tatem nung Cadets-i A, B aser C certificate exams agütsütsü aser iba atema Annual Training Camp nung adenbaji tongtipang.
Associate NCC Officers-i Army aser Air Force personnel teyari agia NCC cadet nem training agütsür. NCC Group Headquarter, Kohima aser Department of Youth Resources & Sports of the Govt of Nagaland ajanga Nagaland nung NCC dak sendakba maparen ketdangsüa repranger.