Nagaland nung NFSA tenzüktsü

Dimapur, June 23 (TYO) : Nagaland nunga National Food Security Act (NFSA) mapa küma inyaka aotsü alinungji, district shia nung ADS/SoS office ajak nung Food & Civil Supply department ajanga jangotsü teyari angutsü purtem tenüng list metetdaktsütsü aser kasaji department website http://fcs.nagaland.gov.in nung enoktsütsü ta sangdong ka ajanga Food & Civil Supply Director, Wb. Alun Hangsing, NCS-i metetdaktsüogo.
Iba maparen nung teyari angurtemi pei ration card agizükba mapang pei meyong Aadhaar number agütsütsüla ta kasa sangdong ajangasa metetdaktsüogo.
Iba maparen ya India government ajanga metetdaktsüba ama PHH (Priority Household) Ration card aser AAY (Antyodaya Anna Yojana) Ration card akartem jangjatsü asoshi Ration card nung Aadhar number enoktsü atema inyaker ta Director-isa metetdaktsü.

You must be logged in to post a comment Login