Nagaland nung ‘Non-Indigenous Indian Citizens’ biometric agitsü

Dimapur, July 11 (TYO): Nagaland Commissioner aser State Registrar for UIDAI, Sentiyanger Imchen, IAS-i Nagaland nung aliba ‘Non-Indigenous Indian Citizen’ tem biometric details enroll/correct asütsü mulunga agizükogo.
Nagaland nung Non-Indigenous Indian Citizens indang biometric details enroll/correct asütsü atema tsünglanglen agüja aliba telatetbatem kübok enrolment agencies nem temelaba agütsür, ta sorkar sangdong ka nung metetdaktsü.
(a) Non-Indigenous Indian Citizens tenüng züluokba:
Non-Indigenous Inhabitant temji Central/State Government, BSNL, SBI aser tanga National bank amala PSU undertakings nung mapa inyakertem asütsüla aser parnoki UIDAI nüngdakba ama Proof of Identity (PoI), Proof of Residence (PoR) aser Proof of Address (PoA) agütsütsüla. Iba denji külemi Head of Office Department ajanga parnokji department /agency nung mapa inyakertem ta kulikaket den Identity Card tejangja alitsüla.
Parnok dang nungi EPIC, Domicile Certificate amala kulitem meshitsüla aser iba telatetba kübok Non-Indigenous Inhabitant Indian Citizen indang kinunger anasa alibatem züngoktsü akok. Maneni, iba telatetba kübok mapa nungi anisüngzüker aliba Non-Indigenous Inhabitants aser chirnurtem, shirnok Nagaland nung telidak lir, parnoka adentsü. Parnoki UIDAI-i nüngdakba ama taoba Government Identity Card den PoI, PoR aser PoA shitak agütsütsüla.
(b) (1) Uniformed Personnel aser (2) Jail nung puoka alirtem tenüng züluokba:
Uniformed Personnel temi PoI, PoR aser PoA documents den Unit Commander nungi certificate agütsüba sülen züluoktsü akok. Tepuokdak alirtem atema bangdak Jail Superintendent-i parnok maitsü aser tanga temetettsütem agütsüba sülen züluoktsü akok.
(c) Taoba mapang technical timtem ajanga magizükba aser biometrics tanaben agishitsüsa akümertem, Indigenous Inhabitants mesüra tangar asünunga, taoba acknowledgement slip bener arura, biometric details agitsü akok.
(d) Catholic Church den sendaktepa aliba Catholic putir aser tangartem:
Parnoki Office of the Commissioner, Nagaland nungi mesüra Diocese of Kohima nungi Special ILP ka meshir aser UIDAI-i nüngdakba ama PoI, PoR aser PoA agütsüba sülen tenüng züluoktsü akok. Kulikakettemji bangdak Document Verifying Authority ajanga reprangtsü.